Како да ги уредите патеките низ дворот

Крвотокот на едно населено место се неговите улици. А крвотокот на еден двор се неговите патеки. Тие се функционална потреба, иако се чини дека при уредувањето на дворот најмалку се размислува на нив.

1. Формално или неформално

Патеки според изгледот на куќата

На почетокот на размислувањето за патеката или за мрежата од патеки во вашиот двор, треба да одлучите дали сакате формална или неформална конекција. Формални патеки се оние со рамни, јасни линии и прави агли, нееформални се заоблените и меандрирани патеки. Размислете кој вид патеки подобро ќе се вклопат во изгледот на куќата и во околината, како и што е посоодветно за намената, во зависност од тоа дали станува збор за патека за работа во градината или патека за шетање.

2. Ширина и должина

Оптимално поврзување на два дела

Имајќи ги предвид намената и планираната фреквенција на движење, ширината на патеката се пресметува според тоа дали сакате по неа да се движи едно или две лица – во првиот случај треба да биде широка од 60 до 70 cm, а во вториот околу 180 cm. Должината зависи од формата и од посакуваната оддалеченост што сакате да ја поврзете. Ширината и должината ќе ви помогнат да можете да пресметате отприлика колку материјал ќе ви биде потребно.

3. Одредете ја најдобрата позиција

Текот на патеката да биде што поприроден

Патеките треба да бидат што пократки и да имаат што поприроден тек. Ако немате време за одржување тревник, направете интересни зони покрај патеките користејќи природни материјали, како висечки греди со цвеќиња или места за одмор. Направете стеснување на патеката онаму каде што доаѓа некој интересен дел во дворот, како клупа под дрво или детска лулашка.

Composing picture APPIA ANTICA паваж - червен меланж

4. Избор на материјал

Внимателно истражете и поплочете паметно

Кога размислувате за тоа од кој материјал да ги направите патеките, размислете и за времето што ќе морате да го поминете чистејќи ги, обновувајќи ги и уредувајќи ги. На пазарот има голема понуда на производи за поплочување на дворот и патеките, со различна големина, форма и бои. Внимателно истражете ги карактеристиките и примената на најпопуларните материјали, како бехатонот и бетонските плочки, кои овозможуваат дренажа и задржување на природниот циклус на водата. Погледнете ги и нашите нови павер-елементи под брендот Semmelrock, кои нудат модерен изглед, највисок квалитет, издржливост и долготрајност.

Composing picture ARTE 8 Сегментен паваж - светъл гранит

5. Средени рабови

За уредни и чисти патеки

За поубав изглед на рабовите на патеката можете да поставите и рабници. Освен што имаат естетски цели, тие овозможуваат полесно косење на тревата, спречуваат накосување и деформирање на рабовите на патеките и даваат поуреден и почист премин од тревникот или цветните алеи кон патеката. Исто така, во нашата палета на производи, можете да го најдете и Steinfix®, PVC профил во Т-форма, наменет за суво поставување. Тој служи како завршен профил кој го одделува бетонскиот елемент од тревната површина, а во исто време ѝ дава форма на поплочената површина и ги фиксира елементите со што се спречува нивно разместување.